Бид энэ удаа Физик математикийн шинжлэх ухааны доктор Р.Тогоог урьж ярилцлаа. Тэрбээр дэлхийн шилдгүүдтэй мөр зэрэгцэн ажиллаж байгаа манай улсын цөөхөн эрдэмтдийн нэг юм.
-Хэрхэн эрдэм шинжилгээний ажилтан болсон бэ?
-1975 онд МУИС-ийн физик математикийн факультетийн физикийн ангийг дүүргэж Шинжлэх ухааны академийн физик техникийн хүрээлэнгийн их энергийн тасагт эрдэм. шинжилгээний ажилтнаар орж одоог хүртэл ажиллаж байна.
-Тэр үед тийм том газар очиж ажиллахад ямар эрдэмтэд тосч авч байсан бэ?
-Намайг тэр үед ороход авъяаслаг эрдэмтэд олон байсан. Одоогийн академич Ц.Баатар, Б.Чадраа, Н.Далхажав, Д.Түвдэндорж, Г.Шархүү гэх мэт. Би тэднээс их зүйлийг сурч мэдсэн. Тэнд очоод шууд Дубнатай холбоотой хоёр метрийн пропант хөөст камерын аргаар зурган мэдээллийг боловсруулах хамтын ажиллагаанд орж ажилласан.
