МИАТ ХК-ын Гүйцэтгэх Захирал Ц.Орхон танаа

http://www.news.mn/content/60293.shtml

МИАТ ХК-ын Гүйцэтгэх Захирал Ц.Орхон танаа

2011 оны 3 сарын 28

МИАТ ХК-ын Гүйцэтгэх Захирал Ц.Орхон танааӨргөдөл гаргах учир нь

Монголын агаарын тээврийн хөгжлийн ээдрээтэй энэ цаг үед намайг МИАТ компанийн коммер эрхэлсэн дэд захирлын албан тушаалд тохоон томилж итгэл хүлээлгэсэн танд гүн талархал илэрхийлье. Гэвч энэхүү томилгоо нь эрх барьж буй улс төрийн хүчнүүдийн хүрээнд ихээхэн эсэргүүцэл дагуулж байгааг анзаарахгүй байхын аргагүй байна. МИАТ компанийн коммерийн ажил нь цэвэр бизнесийн ажил бөгөөд улс төржилтгүйгээр хийх шаардлагатай, зах зээлийн ширүүн өрсөлдөөнт салбар гэж миний бие үзэж байгаа тул таны итгэл хүлээлгэн томилсон албан тушаалыг цаашид үргэлжлүүлэн хаших боломжгүй болсоноо мэдэгдэхээс өөр аргагүй боллоо. Зөвхөн улс төржилтгүйгээр ажиллах боломж олдвол МИАТ компани олон улсын ширүүн өрсөлдөөнд тэсэн гарч, өсөн бэхжиж чадах юм.

МИАТ”-ийн захирал Ц.Орхон халагдах өргөдлөө өгөв

http://www.news.mn/content/124478.shtml

”МИАТ”-ийн захирал Ц.Орхон халагдах өргөдлөө өгөв

2012 оны 11 сарын 2

УИХ-ын Эдийн засгийн байнгын хорооны хуралдаан дээр алдагдлаа тайлбарлаж ажлаа тайлагнасан ”МИАТ” ком­панийн гүйцэтгэх захирал Ц.Орхон өчигдөр ажлаас чөлөөлөгдөх өргөдлөө өгчээ. Тиймээс өчигдөр ТӨХ, дараа нь “МИАТ” хувьцаат ком­панийн ТУЗ хуралдаж уг асууд­лыг хэлэлцэн Ц.Орхоныг үүрэгт ажлаас нь чөлөөлж, оронд нь гавьяат нис­эгч Г.Жаргал­сай­ханыг томил­сон байна. Тэрбээр “МИАТ” ХК-ийн Токио дахь Төлөөлөгчийн газрын ерөнхий менежерээр ажиллаж байсан юм.

Одоогоос хоёр жил гаруйн өмнө “МИАТ” компанийн Техникийн газрын инженер, тех­никийн хэсэг ажилтан “Боинг 737-800” онгоцыг барьцаалан нислэгийг саа­туулж улмаар тус албаны 120 гаруй ажилтнаас 94 нь халагдах өргөдлөө өгч ажил хаялт зарласан. Эцэст нь Засгийн газар, ТӨХ-ны төв­шинд асуудлыг хэлэлцэж 2010 оны тавдугаар сарын 26-нд тус компанийн гүйцэтгэх захирал Р.Бат-Эрдэнийг ажлаас нь чөлөөлж оронд нь Ц.Ор­хоныг  томилсон билээ. Ц.Ор­хон захирал ажлаа авсан даруй­даа  инженер техни­кийн бүрэлдэхүүнтэй ойл­гол­цон удирд­лагын багийг 100 хувь шинэчлэн Үйл ажиллагаа эр­хэлсэн дэд захир­лаар Г.Жаргалсайхан, Бизнесийн асуудал эрхэлсэн дэд захирлаар Г.Ням­даваа нарыг тус тус томил­сон бай­даг. Харин дараа нь Г.Жаргалсайханыг “МИАТ” ХК-ийн Токио дахь Төлөөлөгчийн газ­рын ерөнхий менежерээр томилсон аж. Ямартай ч “Ц.Орхоны багийнхан” өнгөр­сөн хоёр жил гаруйн хугацаанд тус ком­панийн алдагдлыг багас­гаж ашигтай ажилуулах, нис­лэгийн тээвэрлэлтийг нэмэг­дүүлэхэд онцгой анхаарч аюулгүй ажиллагаа, нислэгийн тех­никийн бүрэлдэхүүний чад­вар дадлагын талаар өндөр шаард­лага тавьж ажилласан. Гэвч УИХ-ын сонгуулийн дараа, “шаардлагатай” бол Засгийн газар солигдох бүрт “МИАТ”-ийн удирдлагад “халддаг”-ийг мэдэрсэн хүний хувьд энэ удаад ажлаас чөлөөлөг­дөх өргөдлөө өгсөн бололтой.