МИАТ ХК-ийн зүгээс зорчигчдын эрэлт хэрэгцээг хангах зорилгоор
Европын хотуудаас Улаанбаатар хот руу МИАТ компани болон хамтран ажиллаж
буй Air Berlin авиакомпанийн нислэгээр зорчих нөхцлийг бүрдүүлээд
байна. Үүнд:
- МИАТ ХК нь зуны цагийн хуваарийн хугацаанд Европийн чиглэлд долоо
хоногт 2-5 удаагийн нислэг үйлдэхээс ОХУ-ын Москва хотоор дамжин 2 удаа,
6-9 сарын хугацаанд ХБНГУ-ын Берлин хот руу 3 удаагийн шууд нислэг
үйлдэнэ.
- ХБНГУ-ын “Aviareps” компанийг 2010 оны 11 дүгээр сараас эхлэн
Ерөнхий борлуулагч агентаар томилсноор зорчигчид Европийн 10 улс дахь
“Aviareps” компанийн салбаруудаар үйлчлүүлэн МИАТ компанийн билет
худалдан авах бололцоотой болсон.
- Air Berlin авиакомпанитай байгуулсан гэрээний дагуу зорчигчид
Европийн хотуудаас ХБНГУ-ын Берлин хотоор дамжин Улаанбаатар хот руу
МИАТ компани болон Air Berlin авиакомпанийн хамтарсан тарифаар
үйлчлүүлэн зорчих боломж бүрдсэн.
МИАТ ХК-ийн 2012 оны 03 сарын 25-наас 2012 оны 10 сарын 27-ныг дуустал мөрдөх Берлин чиглэлийн зуны нислэгийн цагийн хуваарь
Нөхцөл:
- Хавсралтаар хүргүүлж буй үнийн дүнд нисэх буудлын такс болон бусад хураамжууд багтаагүй болно.
- 2-12 хүртэл насны хүүхэд: Том хүний тарифын 67%, 0-2 хүртэл насны хүүхэд: Том хүний тарифын 10%-иар тооцно.
- Оюутны хөнгөлөлт хамаарахгүй.
- Дэлгэрэнгүй мэдээллийг МИАТ компанийн ХБНГУ-ын Берлин хот дахь
Төлөөлөгчийн газар болон “Aviareps” компанийн салбаруудаас авна уу.
Эх үүсвэр: МИАТ-ын Коммер эрхэлсэн дэд захирал Б. Болор-Эрдэнийн 2012 оны 3 сарын 14-ний өдрийн 02/815 тоот албан бичиг
|
No comments:
Post a Comment